24-25-oktyabr kunlari Muhammad al-Xorazmiy nomidagi Toshkent axborot texnologiyalari universitetida ERASMUS+ dasturi SPACECOM loyihasi va “Zamonaviy sun’iy yo‘ldosh multimediya va aloqa tizimlari” xalqaro konferensiyasi doirasida yakuniy seminar-yig‘ilish bo‘lib o‘tdi.

 Tadbirda Yevropa hamkor universitetlari vakillari, O'zbekiston hamkor universitet va tashkilotlari hodimlari, NEO O'zbekistan, TATU ma’muriyati vakillari, loyiha ishtirokchilari va xalqaro konferensiya ma'ruzachilari va boshqa tinglovchilar ishtirok etdilar. Tadbir davomida ishtirokchilar SPACECOM loyihasini amalga oshirishda erishilgan natijalar bilan tanishdilar. Bundan tashqari, tadbir davomida loyiha ishtirokchilari oʻrtasida natijalar barqarorligi va hamkorlik boʻyicha muhokamalar boʻlib oʻtdi.